Shitësit e klikimeve në Youtube

Më në fund hedhet dritë mbi klikimet në pas shumë akuzave të këngëtarëve për njëri tjetrin.
RTV 21 raporton se një grup që janë të koduar si Crackeri, Demi Prince dhe Baba Dimni, ofrojnë klikime në mënyrë të paligjshme për këngëtarët shqiptarë.

Këta persona pohojnë se është e pamundur që një këngë të arrijë miliona klikime në mënyrë të rregullt, duke thënë se nuk ka miliona njerëz dhe kompjuterë shqiptarë që kanë nga një “IP” (internet protocol) për të regjistruar klikimin.

“Ne kemi oferta të ndryshme për këngëtarët. Variojnë nga 250 deri në 300 euro, për 100 mijë klikime”, thotë njëri prej tyre. Ata pohojnë se ka pasur artistë që i kanë shtuar deri në 8 milionë klikime, teksa kanë refuzuar të zbulojnë emrat e tyre.